Brownie me çokollatë

Brownie me çokollatë

Përbërësit:

  • 3 vezë
  • 3 lugë gjelle miell
  • 100 gr sheqer
  • 250 gr çokollatë e zezë
  • 100 gr gjalpë
  • 6 lugë gjelle qumësht
  • 2 lugë çaji Nescafe

 

Përgatitja:

Fillimisht ngrohni sobën në 180 gradë celcius. Në banjo mari hidhni çokollatat e copëtuara, gjalpin, qumështin dhe Nescafe-në derisa të shkrihen dhe të bëhen një masë. Në dy tasa ndani të verdhat nga të bardhat e vezëve. Rrihini të bardhat deri sa të bëhen shkumë dhe vendosini mënjanë. Te të verdhat e vezëve shtoni sheqerin dhe përzieni.

Më pas shtoni 3 lugët e miellit duke i përzier vazhdimisht. Te kjo përzierje hidhni çokollatën e shkrirë dhe përzieni sërish deri sa masa të unifikohet. Më pas hidhni shkumën e të bardhave të vezëve duke e përzier atë me lugë druri në lëvizje rrethore. Lyeni tavën me pak gjalpë dhe hidhini sa më sipër. Vendoseni në furrë për rreth 40 minuta.

Skills

Posted on

January 4, 2016